Is é atá sa rud is tábhachtaí nach mór cuimhneamh air nuair atá turas ranga chuig músaem á phleanáil agat ná áirithint a dhéanamh dhá sheachtain ar a laghad roimh ré rud a fhágfaidh gur dóichí go bhfaighidh tú na dátaí agus na hamanna atá uait. Tá córais áirithinte ar líne ag cuid mhór de na músaeim. I gcás nach bhfuil córas áirithinte ar líne ann, tugtar seoladh ríomhphoist mar mhalairt air sin.
Bain an tairbhe is mó is féidir as an turas chuig an músaem trí roinnt ullmhúcháin a dhéanamh roimh an gcuairt, mar shampla, cén t-ábhar de chuid an láithreáin gréasáin ar mhaith leat é a thabhairt leat don rang – agus pleanáil obair thionscadail don rang lena déanamh sa seomra ranga tar eis an turais. Tá neart ábhair ag Ard-Mhúsaem na hÉireann mar chabhair sa réimse oideachais bunscoile agus iar-bhunscoile – agus é ar fad ar fáil ar láithreán gréasáin an mhúsaeim.